Astana qalasynyń bas kóshelerimen «Túrki eliniń túp tamyry-Ońtústikten mereıli Astanaǵa sálem!» atty óner kerýeni júrip ótti.
Elimizdiń tarıhynan syr shertetin sazdy kerýen «Ǵashyqtar» alańynan «Báıterek» alańyna deıingi aralyqty qamtydy.
Kerýen sapynda Altyn adam, Arystanbab, Qoja Ahmet Iаsaýı, Ál-Farabı syndy tarıhı tulǵalar men ǵulamalar, handar men batyr, bıler beınesindegi óner azamattary, EKSPO arýy men ulttyq kıim kıingen ánshi, bıshiler, sırk ónerpazdary jáne taıqazan, arba syndy ultyq qundylyqtarymyzdy aıshyqtaıtyn buıymdar bar. О́ńirdiń tarıhı kelbetin tanytar óner kóshine 500-ge jýyq ónerpaz qatysyp, jergilikti kompozıtorlar Sh.Qaldaıaqov, S.Bəıterekovtiń ənderin qosyla oryndady.
Kerýen basy «Qazyna», «Shattyq», «Shamsınýr» bı ansamblderiniń oryndaýyndaǵy «Mereke dýman» bıimen bastaý alyp, «Báıterek» alańynda 600 jas dombyrashynyń bir mezette Q.Saǵyrbaıulynyń «Balbyraýyn» kúıin oryndaýymen aıaqtaldy.
Ońtústik Qazaqstan oblysynyń Astanadaǵy birinshi kúni «Báıterek» alańynda oblystyń óner sheberleriniń «Sálem, Astana! Sálem, EKSPO-2017!» merekelik konsertimen qorytyndylandy.
Konsertte QR Mádenıet qaıratkeri Aıjan Tajenova «Dombyra týraly ballada» oryndasa, «Ońtústik-Sırk» mekemesiniń «H-bend» estradalyq djaz ansambli zamanaýı shyǵarmalar usyndy. Sh.Qaldaıaqov atyndaǵy oblystyq fılarmonııanyń ánshileri «EKSPO-2017» týraly án shyrqasa, «Semser» toby "Otyrardaǵy toı" ənimen óńirdiń kıeli ólkesin dəriptedi. "О́rken" otbasylyq ansambli, "Asý" trıosy men kóptegen óner sańlaqtary óner dýmanymen Astana keshin asqaqtatty. Ońtústiktiń týmasy, Qazaqstannyń eńbek sińirgen ərtisi, estrada ənshisi Gúlnər Sıqymbaeva astanalyq kórermendi əsem daýsymen tənti etti.
Kórermendi án men kúıge bólegen Ońtústiktiń óner maıtalmandary búgingi keshte 30-dan asa tańdaýly nómirlerimen el yqylasyna bólendi.
Shara barysynda oblys ákiminiń orynbasary Sədibekov Ulasbek Sədibekuly elimizdiń barlyq oblys ákimderi qol qoıǵan EKSPO týyn «Astana EKSPO-2017» Halyqaralyq mamandandyrylǵan kórmesiniń komıssary Joshybaev Rapıl Seıthanulyna saltanatty túrde tabystady.
Aıta keteıik, 29 mamyr kúni ońtústikqazaqstandyq 10 baıker EKSPO-2017 kórmesiniń qurmetine respýblıkalyq motosherý uıymdastyryp, motosıklmen elimizdiń birqatar oblystaryn júrip ótip Astanadaǵy ótip jatqan halyqaralyq mamandandyrylǵan kórmesine kelgen bolatyn.
Jalpy, Ońtústik Qazaqstan oblysynyń mádenıet kúnderi aıasynda kúngeı jerinen kelgen 1 myńnan astam ərtister astanalyqtarǵa óz ónerlerin usynatyn bolady.